Patua Hata dohot Marhusip

Keterangan Video : Ulaon Adat Patua hata dohot Marhusip, antara Simanjuntak ( Paranak ) VS Pangaribuan ( Parboru ).

 
Ala naung dos roha ni paranak dohot parboru, di ari naung ditontuhon, ro ma paranak dohot manang piga uduranna (dongan tubuna, boru, bere) mandapothon parboru. Diboan do di si sipanganon na marsaudara jala tangkas do i dipasahat dohot dihatahon lapatanna tu parboru. Parboru pe dipatupa do dekke laho sipasahatonna tu paranak. Di ulaon i, dijou parboru do manang piga dongan tubuna, boru dohot berena, songon i dongan sahuta.
Dung sidung marsipanganon dipungka ma panghataion. Na parjolo, di sungkun parboru ma taringot tu tudu-tudu ni sipanganon naung pinasahat ni paranak tu nasida. Dialusi paranak ma, jala tangkas ma didok surung-surung ni parboru ma i. Ditorushon ma muse panghataion, ima na masitariparan hata, lumobi di pangidoan ni paranak di naro nasida patua hata. Molo dioloi jala digabehon parboru di napatua hata i, pintor mangido jala mangelek ma muse paranak asa ditingkathon nian panghataion tu marhusip mangarangrangi.
Molo dung dioloi jala digabehon parboru tu ulaon namarhusip, dilehon ma tingki dohot kesempatan tu paranak laho patolhashon, manariashon angka sangkap pangidoan nasida.
Parjolo, dipangido paranak ma bentuk ni ulaon (alap jual manang taruhon jual) dohot ulaon sadari. Paduahon, ima taringot tu somba ni uhum, somba ni adat, sinamot ni boru: Misalna, didok sahali mangelekhon, sahali manombahon, dalam bentuk sinamot sitombol rambu pinudun dohot angka pangidoan na asing dope. Molo dung singkop jala dapot dos ni roha di angka rumang ni ulaon i, digabehon parboru ma i.
Dung i muse dilehon parboru do kesempatan tu paranak laho pasahathon pangidoan nasida, i ma taringot ulos herbang si jaloon nasida sian parboru muse di ulaon unjuk. Taringot tu bilanganna, unang ma lobi nian sian 17 bulung.
Jadi molo dung denggan mardalan sude na i, mardalan ma muse ingot-ingot, ima berupa hepeng sian paranak dohot parboru laho dibagi-bagihon tu angka tuturna na ro di ulaon patua hata dohot marhusip i. Lapatanna, asa ingot nasida saluhutna di angka rencana ni ulaon naung ditolopi nasida. Jala laos mangihut ma dipangido asa ditanda nasida kedua calon penantin. Calon pengantin baoa manjalangi pihak parboru, calon pengantin boru manjalangi pihak paranak.

Beberapa poin penting yang dibahas dalam acara Patua Hata dohot Marhusip

» Rumang ni ulaon : ………………….

» Bolahan amak / alaman : ………………….

» Sinamot : ………………….

» Suhi niampang naopat : Takkas do adopan ni paranak

» Panjuhutina : ………………….

» Parjambaran : ………………….

» Panandaion : ………………….

» Pinggan panganan : ………………….

» Godang ni ulos herbang : ………………….

» Ulos tinonun sadari : ………………….

» Godang ni undangan ;

»» Paranak : ………………….

»» Parboru : ………………….

» Martumpol ;

»» Inganan : ………………….

»» Alamat : ………………….

»» Ari : ………………….

»» Pukul : ………………….

» Marsibuha-buhai ;

»» Inganan : ………………….

»» Alamat : ………………….

»» Ari : ………………….

»» Pukul : ………………….

» Pamasu-masuon ;

»» Inganan : ………………….

»» Alamat : ………………….

»» Ari : ………………….

»» Pukul : ………………….

» Ulaon unjuk (pesta) di alaman ni paranak :

»» Inganan : ………………….

»» Alamat : ………………….

»» Ari : ………………….

»» Manjalo hula-hula pukul : ………………….

» Dekke : ………………….

» Prosesi masuk tu gedung ;

»» Protokol ni paranak : Manjalo hula-hula parboru

»» Protokol ni paranak : Manjalo uduran ni hula-hula, tulang, tulang rorobot dst

»» Protokol ni parboru : Manjalo uduran ni hula-hula, tulang, tulang rorobot dst

»» Suhut paranak, parboru : Mulak tu harbangan rap masuk mangudurhon kedua pengantin 

                                              hundul di langgatan

» Si pir ni tondi : Sude di paranak (kecuali tandok ni hula-hula)

» Ulak ni tandok : Sian paranak

» Ulaon sadari (maningkir tangga) : ………………….

» Penutup ;

»» Mandok hata tu kedua calon pengantin

»» Kedua pengantin manjalang

»» Ingot-ingot

»» Marende & martangiang.

Hira-hira songoni ma rumangna dohot pangantusion tusi. Taringot tu ruhut ni panghataion pinatupa do di buku on asa ummura muse ulahononta.

Sumber : https://sianturisimataniari.com/

Lanjut Baca »

Martumpol

Keterangan Video : Martumpol acara adat batak

Partumpolon ( parpadanan ) ulaon parhuriaon do on. Ndang apala pinatorang be on, ala tangkas do taantusi hira-hira lapatan dohot tujuan ni partumpolon i. Naporlu sipingkiranta ima taringot tu angka ise do na laho sigokhononta tu ulaon partumpolon i. Molo nasomal taida, sahat do tu horong ni angka hula-hula dohot tulang. Hape somalna muse taulahon di Jabotabek sekitarna, dung sidung acara partumpolon di gareja pintor diuduti do tu ulaon martonggo raja manang marria raja. Adong na deba laos di aula manang di gedung dipatupa ulaon martongo raja manang marria raja, alai adong do na mangulahonsa di bagas ni parboru manang paranak, saguru tu situasi dohot kondisi ni hasuhuton do i.
Sungkun-sungkun tu hita, beha molo dung sidung partumpolon langsung dipatupa ulaon marhata sinamot manang didok pudun saut. Alana di tingki i, nunga hira lengkap undangan sian angka tutur, songoni sian horong ni hula-hula dohot tulang. Alai margeser (berubah) ma muse ari (tingki) na martonggo raja manang marria raja.
Nunga adong di Jakarta dohot nahumaliangna on mangulahon ulaon marhata sinamot ( pudun saut ) dung sidung acara partumpolon, alai saguru ma i tu dos ni roha ni hasuhuton paranak dohot parboru.

 

Sumber : https://sianturisimataniari.com/

Lanjut Baca »

Martonggo Raja / Marria Raja

Keterangan Video : Tonggo Raja Hasuhuthon Paranak

Molo didok martonggo raja manang marria raja, na marlapatan do i mangido pangurupion, panuturion di angka na mardongan tubu, boru, bere, dongan sahuta, molo marulaon pamulihon boru manang pangolihon anak. Disubut jala dibuat suhut do roha ni angka tutur asa rade jala dohot nasida berpartisipasi di ulaon I hombar tu ruhut-ruhut ni paradaton, jala hira di tingki on ma dibagihon ( didistribusihon ) undangan tu angka tutur. Dipatupa hasuhuton di si sipanganon. Jala molo tung adongpe dipatupa di si tudu-tudu ni sipanganon hira jambar ni adopan (jambar bersama) do i. Di tingki on ma sude dihatai angka persiapan ulaon, Raja Parhata, dohot angka na porlu di ulaon i jala ise namangulahon ( pembagian tugas ).

Pinatorang ma jolo saotik taringot tu pangantusion martonggo raja dohot marria raja. Molo di ulaon alap jual, lapatanna ulaon di alaman ni parboru, pihak parboru ma na mambahen martonggo raja, di paranak marria raja. Sebalikna, molo di pihak paranak ulaon (taruhon jual), dipamasa paranak ma ulaon martonggo raja, jala parboru mambaen marria raja.

 

Sumber : https://sianturisimataniari.com/

Lanjut Baca »

Pesta Unjuk

Keterangan Video : FULL...ADAT BATAK PERNIKAHAN MICHAEL NABABAN & DEYNA MARPAUNG

TAHAPAN ULAON UNJUK :

» MARSIBUHA BUHAI

» PROSESI MASUK PENGANTIN

» MAKAN BERSAMA & PENYERAHAN TANDA MAKANAN ADAT ( TUDU-TUDU NI SIPANGANON )

» PARJAMBARAN

» MANJALO TUMPAK PANGURUPION ( SUMBANGAN TANDA KASIH )

» PROSESI ACARA PERCAKAPAN ADAT

» MEMPERSIAPKAN PERCAKAPAN

» MARDALAN PINGGAN PANUKKUNAN ( MULAK GABE PINGGAN PANGALUSI )

» PASAHAT SINAMOT

» PASAHAT PANANDAIONSUHI NI AMPANG NA OPAT

» PASAHAT PANANDAION

» PASAHAT TINTIN MARANGKUP

» PASAHAT ULOS

» ULAON SADARI

Lanjut Baca »

Paulak Une Dohot Maningkir Tangga

Keterangan Video : ACARA PAULAK UNE / MANINGKIR TANGGA

Molo didok paulak une, ima nahombar tu ulaon sadari, jala mardalan do adat-paradaton di son. Dipatupa paranak do sipanganon laho pasahatonna tu parboru. Songon i sian parboru, dipatupa do dekke dohot boras sipir ni tondi sipasahaton-na tu paranak. Ima boanon nasida tu bagas na be. Alai porlu do botoon jala ingotonta, andorang so ulaon napaulak une, jolo mardalan do olop-olop dohot namarhata sigabe-gabe.
Paulak une on ma hira pangujungi ni ulaon di ulaon unjuk nasomal dipatupa di tingki on. Jala muse somal do diulaon on mardalan upa panaru didok, napinasahat ni paranak tu boru ni parboru, suang songon i molo adong angka hepeng pasituak natonggi sian paranak tu natua-tua ni parboru.

Na porlu sibotoon dohot siingoton di ulaon adat paradaton ulaon sadari i ma paulak une manang maningkir tangga i ma:

a.      Molo ulaon alap jual (ulaon di parboru) ulaon sadari digoari ma i paulak une,

b.      Molo ulaon taruhon jual (ulaon di paranak) ulaon sadari digoari ma i maningkir tangga.

Untuk sebagai pembanding, baca: https://www.obatak.id/2015/06/ulaon-pangolihon-anakpamulihon-boru.html

Sumber : https://sianturisimataniari.com/

Lanjut Baca »

MARHATA SINAMOT

Keterangan Video : Marhata Sinamot Pesta Unjuk

Marhata Sinamot
Marhata Sinamot, songon naung pinatorang, on ma songon puncak ni ulaon adat-paradaton pamuli boru manang pangolihon anak, di ulaon alap jual manang taruhon jual. Molo tung pe dipatupa ulaon marhata sinamot andorang so pamasu-masuon, manang songon nasomal laos di ari ni unjuk (pesta), ianggo taringot tu rumang dohot ruhut ni panghataion hira dos do i. Sai jolo marsipanganon do biasana, dung i marbagi jambar asa ditorushon tu na marhata sinamot.
Dung sidung mangan angka tutur, dipungka ma ulaon adat-paradaton. Jala tangkas taboto andorang so marsipanganon hian, nunga dipasahat paranak tu parboru tudu-tudu ni sipanganon namarsaudara, boi do i namarmiak-miak manang lombu sitio. Suang songon i parboru, nunga pasahathon dekke tu pihak paranak. Alai porlu pinatorang di son saotik taringot tu ulaon marhata sinamot na dipatupa jala dipasada dohot ulaon pesta unjuk, khususna ma i taringot di ulaon di alaman manang di gedung pertemuan:

1.       Molo ulaon di alap jual (ulaon di alaman ni parboru), parboru dohot kedua pengantin, suang songon i dohot paranak rap masuk ma tu gedung pertemuan jala masing-masing hasuhuton hundul ma di inganan naung ditontuhon.
Pihak parboru ma naparjolo manggorahon angka horong ni hula-hulana, asa masuk nasida tu gedung jala tangkas do i dijalo di ruhut paradaton.

2.      Molo ulaon taruhon jual do (ulaon di paranak) rap masuk do suhut paranak dohot parboru suang songon i dohot pengantin tu gedung, alai mulak do muse pihak hasuhuton ni parboru mandapothon angka dongan tubuna. Jadi holan napataruhon boru muli do nasida tu inganan ni paranak. Jadi, ingkon tangkas do muse gorahonon jala jaloon ni suhut paranak pihak parboru (hula-hulana), suang songon i di ruhut adat-paradaton (parboru mamboan boras sipir ni tondi dohot dekke). Alai sebagian sian boras i dipapulik do deba asa adong pangkeonna di ulaon paulak une.

G. Ulaon Adat Na Gok (Ulaon Unjuk)
Acara Pesta Unjuk dan Ulaon Adat Marhata Somba ni Uhum Somba ni Adat Marhite-hote Sinamot adalah Puncak acara ulaon adat paradaton Pamuli Boru atau Pangolihon Anak dalam bentuk Ulaon Alap Jual atau Taruhon Jual. Marhata Somba ni Uhum Somba ni Adat Marhite-hite Sinamot, songon naung pinatorang, on ma songon puncak ni ulaon adat-paradaton pamuli boru manang pangolihon anak, di ulaon alap jual manang taruhon jual. Molo tung pe dipatupa ulaon marhata sinamot andorang so pamasu-masuon, manang songon nasomal laos di ari ni unjuk (pesta), ianggo taringot tu rumang dohot ruhut ni panghataion hira dos do i. Sai jolo marsipanganon do biasana, dung i marbagi jambar asa ditorushon tu na marhata sinamot. Dung sidung mangan angka tutur, dipungka ma ulaon adat-paradaton. Jala tangkas taboto andorang so marsipanganon hian, nunga dipasahat paranak tu parboru tudu-tudu ni sipanganon namarsaudara, boi do i namarmiak-miak manang lombu sitio. Suang songon i parboru, nunga pasahathon dekke tu pihak paranak. Alai porlu pinatorang di son saotik taringot tu ulaon marhata Somba ni Uhum Somba ni Adat Marhite-hite Sinamot na dipatupa jala dipasada dohot ulaon pesta unjuk, khususna ma i taringot di ulaon di alaman manang di gedung pertemuan.

Na porlu sibotoon dohot siingoton di ulaon adat paradaton i ma;

1.       Molo ulaon di alap jual (ulaon di alaman ni parboru), parboru dohot kedua pengantin, suang songon i dohot paranak rap masuk ma tu gedung pertemuan jala masing-masing hasuhuton hundul ma di inganan naung ditontuhon. Pihak parboru ma naparjolo manggorahon angka horong ni hula-hulana, asa masuk nasida tu gedung jala tangkas do i dijalo di ruhut paradaton.

2.      Molo ulaon taruhon jual do (ulaon di paranak) rap masuk do suhut paranak dohot parboru suang songon i dohot pengantin tu gedung, alai mulak do muse pihak hasuhuton ni parboru mandapothon angka dongan tubuna. Jadi holan napataruhon boru muli do nasida tu inganan ni paranak. Jadi, ingkon tangkas do muse gorahonon jala jaloon ni suhut paranak pihak parboru (hula-hulana), suang songon i di ruhut adat-paradaton (parboru mamboan boras sipir ni tondi dohot dekke). Alai sebagian sian boras i dipapulik do deba asa adong pangkeonna di ulaon paulak une (maningkir tangga).

  

Lanjut Baca »