MANJALO TUMPAK PANGURUPION

Keterangan Video : 

Manjalo Tumpak/Manjalo Ulos Herbang Pesta Unjuk Yosua Simanjuntak & Angel br. Hutagalung

MANJALO TUMPAK PANGURUPION ( SUMBANGAN TANDA KASIH )

[Note: Dung renta jala sidung namarsipanganon, jongjong ma protokol ni paranak rap dohot hasuhuton bolon paranak dohot parboru, laho mangido pangurupion sian saluhut ontangan nasida, dohot ma disi dongan tubu, boru, dongan sahuta dohot ale-ale.]

Protokol ni Paranak:
”Dihamu na huparsangapi hami amanta raja dohot inanta soripada, dihita mardongan tubu, boru bere nami, raja nidongan sahuta, ale-ale, saluhutna ma hamu ontangan nami, arop situtu do roha nami di pangurupian muna saluhutna, nuaeng pe asa ro ma hamu mandapothon hami, dinalaho pasahatton parbue ni holong muna / manumpaki ulaonta sadarion. Sian hasuhuton, nunga mangarade be hami.”
[Note: Dipangido Protokol ni Paranak ma musik.]

“Parmusik nami, naeng manjalo tumpak ma hami hasuhuton tu saluhut namanghaholongi hami, asa bahen damang ma jolo musik na hinsa-hinsa sitogu nahunduli, tabo bahen hamu.”
[Note: Dung sidung managalehon tumpak angka horong na ni gokkon paranak, jongjong ma protokol ni paranak laho pasahatton hata mauliate.]

Protokol ni Paranak:
”Dihamu saluhut nahuparsangapi hami, amanta raja dohot inanta soripada, rajani dongan tubu, rajani pamoruon (boru-bere) nami, rajani dongan sahuta, ale-ale, rodi sudema hamu namangkaholongi hami, gok mauliatema hupasahat hami tu hamu saluhutna diangka pambahenan muna, marhite-hite tumpak naung pinasahat mu tu hami. Molo sian hadirion nami, ndang tarbalos hami angka nauli nabinahen munai, ditangiang nami, asa sian Amanta Debata Pardenggan Basa I ma jaloon muna angka balos ni i, marlipat ganda. Sahalinari dohonon nami ma mauliate.”
[Note: Masa do muse taida, dung sidung acara manjalo tumpak, dilehon paranak do kesempatan tu pengantin boru laho mambuat (manjomput) tumpak i songon mambahen las roha nasida. Sada simbol manang tanda holong ni roha do i tu pengantin.]

Protokol ni Paranak:
”Kepada parumaen kami, ini tumpak dari seluruh undangan kita hari ini, silahkan ambil sebanyak-banyaknya tapi dengan tiga jari!”

Protokol ni Paranak:
”Sekarang masukan kedalam kantong jas suaminya.” “Dihamuna bonani suhut nami, godangdo tajalo tumpak sian saluhut namarholong niroha tuhita, simpan dainang ma on pangke dainangma tunaringkot i.”
[Note: Dungi laos dipasahat Protokol ma tumpak i tu suhut bolon.]

Protokol ni Paranak:
”Dihamuna suhut bolon nami, godang do tajalo tumpak sian saluhut namarholong ni roha tu hita, simpan dainang ma on, jala pangke dainang ma tu naringkot i.”
[Note: Dung une jala renta mardalan sude na i, diuduti ma pakkataion tu namarhata sinamot.]

Protokol ni Paranak:
”Songoni ma tulang, nunga sikkop be hami dinamanjalo tumpak, molo tung pe naeng udutan ta, hami sian parboruon muna nunga be mangarade.”

PROSESI ACARA PERCAKAPAN ADAT

Protokol ni Parboru:
”Nauli ma tutu amangboru, ala naeng mamukka ma hita dipakkataion, lehon hamu ma jolo partingkian tu hami, laho marsiparsangapan jala mardos ni tahi hami na marhaha maranggi.”