Adong do dua mansam na mangalua:
a. Mangalua roha-roha.
I ma marroha-roha sambing anak dohot boru manorushon lomo ni rohanasida sambing. Ndang dihalomohon natua-tua sisongon on.
Tuson ma nidok halak hata ni umpasa :
“ Duda itakmi, saut ma ho maritak bari;
Tuntun lomomi, saut ma ho sumolsol bagi. “
Molo tar adong roha na marpanarihon di boru na mangalua i tu natorasna. Dipeakkon ma hepeng (sian baoa idoi ) ditoru ni rere dibagas ni natorasnai. Jadi molo manapu inana i, idaon ni ina i ma hepeng i jala botoonna ma sian i naung mangalua do boruna i. "Tading rere" do nidok goar ni hepeng i.
b. Mangalua marugamo.
Tu bagas ni sintua manang voorganger do diboan dolidoli i anak boru i. Dipasupasu ma nasida disi manurut aturan ni huria. Dipatupa ndang pola masuk ulaon adat on. Somalna hadir disi holan pihak pa- paranak i do disi partangiangan na metmet, marsipanganon. Alai ranak do. Alai somálna songon na laho pasangaphon pihak parboru, disuru paranak do manaruhon tu parboru tudutudu ni sipanganon i na patut jaloonnasida hian.
Noot: Di tingki on, nunga masa nang wakil ni parboru dohot ma- ngadopi pamasuoni.
MANURUK-NURUK
Dung salpu manang sadia leleng na mangalua i, jala dung dihila paranak nunga songon na mombun muruk ni parboru, dibahen ma parhobasan tu ulaon "manuruk-nuruk", laos digoar halak do i sipata "patuduhon na tinangko".
Di ari na binuhul borhat ma paranak niudurhon ni hahaanggi-na, dongan sahuta, dohot boruna tu huta ni parboru mamboan sipanganon ( pinahan lobu ).
Noot: Beha, porlu do dohot hulahula arahononhon manuruknuruk?
Komentar ni panurat: Hurang toho do molo pola dohot hulahula
0 comments:
Posting Komentar