PASAHAT ULOS

·        

Keterangan Video : Pasahat Ulos

MANGULOSI / PASAHAT ULOS

·         Dung sahat tintin marangkup tu tulang ni hela diuduti ma muse dohot na mangido ulos herbang.

·          Parsinabul ni Paranak:

·         “Horas ma jala gabe rajanami, mansai las rohanami diboa-boamunai, asa pasahatonnami ma pangidoannami tu hamu rajanami: Anggo pangidoan rajanami asa ulosi hamu ma hami sude dohot ulos herbang didongani tangiangmuna mangido pasu-pasu sian Amanta Pardenggan Basai, songoni ma pangidoannami rajanami, mauliate ma.”

·         Godang ni ulos herbang sipasahaton ni parboru tu pihak ni paranak nungnga ditontuhon hian i ditingki na marhusip, alai sikkap ni ulos herbang sipasahaton ima dohot ulos tinonun sadari (hepeng).

·          Parsinabul ni Parboru:

·         “Mauliate ma Amangboru, sintong do pangidoanmunai, alai songon naung hudok hami dihatanami naparjolo nangkaning, ontakni naboi tarbahen hami ulosannami do hamu dohot ulos herbang, alai molo tung so sude pe hamu anon naboi huulosi hami dohot ulos herbang, pasahatonnami ma tu nasida ulos natinonun sadari, songonima Amangboru, mangaradema hamu, asa hupasahat hami angka ulos herbang tu hamu. Gorai amangborungku ma sian i.”

·         Digorahon jala dijoui parsinabung ni paranak ma angka si jalo ulos, i ma:

·         Ulos pansamot/pargomgom tu natoras ni hela.

·         Ulos hela.

·         Ulos pamarai tu amangtua/amanguda ni hela.

·         Ulos simanggokkon tu haha ni hela.

·         Ulos sihunti ampang tu iboto ni hela.

·         Ulos tu namboru ni hela.

·         Ulos tu ompung ni hela.

·         Ulos tu iboto ni hela.

·         Ulos boru/bere parsadaan.

·         Ulos parsadaan,

·         Dohot udutanna.

·         Filosofi dan makna ulos passamot: Makna ulos Pargomgom ialah agar kedua orangtua pengantin lelaki mulai hari perkawinan itu manggomgom parumaennya, sebagai anak dalam keluarga sendiri serta selanjutnya mengayominya.

·         Hata napasahatton ulos passamot sian natoras ni boru muli;

·         “Di hamu lae dohot ibotongku, ta hamauliatehon ma tu Tuhan I, ala nunga saut naung tasangkapi, ima ulaonta sadarion. Dison pasahatonnami ma ulos pansamot tu hamu. Sai dipargogoi Tuhanta ma hamu mangalului pansamotan dohot ngolu-ngolu siganup ari. Hipas-hipas ma hamu jala ganjang ma umurmu. Anju jala ajar-ajari hamu ma borungkon naung gabe parumaenmu. Asa songon hata ni umpasa ma dohononku: Pir ma pongki bahul-bahul pansalongan.; Sai pir ma tondimu sai tu ganda na ma angka pansamotan. Andor halumpang baen togu-togu ni lombu, Andor hatiti baen togu-togu ni horbo; Penggeng saur matua ma hamu pairing-iring anak dohot boru, Sahat tu namarnini sahat tu namarnono. Sahat sahat ni solu, sahat tu bantean; Nunga sahat be nataparsinta. Sai sahat ma hita horas jala gabean.”

·         Hata napasahathon ulos pangamai (molo adong) sian natoras ni boru muli;

·         “Di hamu lae dohot ibotongku, pasahatonnami ma ulos pangamai tu hamu. Sai dipargogoi Tuhanta ma hamu mangalului pansamotan dohot ngolu-ngolu siganup ari. Hipas-hipas ma hamu jala ganjang ma umurmu. Jala anju ajar-ajari hamu ma borungkon naung gabe parumaenmu. Asa songon hata ni umpasa ma dohononku: Pir ma pongki bahul-bahul pansalongan. Sai pir ma tondimu sai tu ganda na ma angka pansamotan. Niumpat padang togu mangihut simbulu-bulu. Tu lelengna ma hamu mangolu rodi nasarsar uban di simanjujung, sahat tu na pairingiring pahompu. Sahat sahat ni solu, sahat tu bontean. Nunga sahat be tahinta. Sai sahat ma hita horas jala gabean.”

·         Hata napasahathon ulos hela sian natoras ni boru muli;

·         “Di ho amang hela dohot di ho ito, borungku. Pasahatonnami ma tu hamu ulos herbang ulos naganjang, ulos parhorasan. Herbang ma tangan ni Tuhanta mamasu-masu parsaripeonmu. Ganjang ma antong umurmu sahat tu nasaur matua. Ulos parhorasan ma on, asa gabe di anak gabe di boru hamu tumpakon ni Tuhanta Pardenggan Basa i. Asa dapot ma di hamu songon hata niumpasa: Bintang na rimiris ma, tu ombun na sumorop; Asa anak pe antong di hamu riris, boru pe antong torop. Tubuan laklak ma, tubuan sikkoru di dolok ni Purbatua; Sai tubuan anak, tubuan boru ma hamu, donganmu sarimatua. Sahat-sahat ni solu, sahat ma tu tiga ras; Sahat ma hamu leleng mangolu, sahat gabe jala horas.” Marsangap ma Tuhanta i di parsaripeon muna on.

·         Hata di na pasahathon Ulos Amangtuana;

·         “Dihamu lae dohot iboto nami, dison hami nuaeng jongjong diadopan mu, nanaeng pasatton ulos dalan parhitean ni tangiang nami tu Tuhanta Pardengganbasa I, asa anggiat martamba-tamba pasu-pasu dihamu tamba ni naung adong i, dohonon nami ma songon nidok ni umpasa; Sai marsinondang songon bulan. Tiur songon mata ni ari. Sai ganjang umur muna, jala tiur nang pansamotan. Eme si tamba tua, parlinggoman ni siborok, Debata namartua sude ma hita on diparorot. Sahat sahat ni solu, sahat tu bontean, sahat ma leleng mangolu, sahat ma tu panggabean.”

·         Hata napasahathon Ulos Amangudana;

·         “Dihamu lae dohot iboto nami, dison hami nuaeng jongjong diadopan mu, nanaeng pasatton ulos dalan parhitean ni tangiang nami tu Tuhanta Pardengganbasa I, asa anggiat martamba-tamba pasu-pasu dihamu tamba ni naung adong i, dohonon nami ma songon nidok ni umpasa; Sitorop ma dangkana, sitorop rantingna, Sitorop ma nang bulungna; Sai torop ma hahana, torop angina, Torop ma nang boruna. Eme si tamba Tua, parlinggoman ni siborok, Debata namartua sude ma hita diparorot. Sahat sahat ni solu, sahat tu bontean, sahat ma leleng mangolu, sahat ma tu panggabean.”

·         Hata napasahathon Ulos Haha Ni Hela;

·         “Dihamu amangboru dohot namboru nami, dison hami nuaeng jongjong diadopan mu, nanaeng pasatton ulos dalan parhitean ni tangiang nami tu Tuhanta Pardengganbasa I, asa anggiat martamba-tamba pasu-pasu dihamu tamba ni naung adong i, dohonon nami ma songon nidok ni umpasa; Tubu ma hariara, tubu di tonga-tonga ni huta; Sai tubu ma anak dohot boru dihamu, Na mora jala na martua. Eme si tamba Tua, parlinggoman ni siborok, Debata namartua sude ma hita diparorot. Sahat sahat ni solu, sahat tu bontean, sahat ma leleng mangolu, sahat ma tu panggabean.”

·         Hata napasahathon Ulos Sihunti Ampang;

·         “Dihamu amangboru dohot namboru nami, dison hami nuaeng jongjong diadopan mu, nanaeng pasatton ulos dalan parhitean ni tangiang nami tu Tuhanta Pardengganbasa I, asa anggiat martamba-tamba pasu-pasu dihamu tamba ni naung adong i, dohonon nami ma songon nidok ni umpasa;Pinantik hujur tu jolo ni tapian; Tusi hamu mangalangka, tusi ma dapot parsaulian. Pangkat-hotang; Tu dia hamu mangalangka, tusi ma dapot pangomoan. Sahat sahat ni solu, sahat tu bontean, sahat ma leleng mangolu, sahat ma tu panggabean.”

·         Hata napasahathon Ulos Namboruna;

·         “Dihamu amangboru dohot namboru nami, dison hami nuaeng jongjong diadopan mu, nanaeng pasatton ulos dalan parhitean ni tangiang nami tu Tuhanta Pardengganbasa I, asa anggiat martamba-tamba pasu-pasu dihamu tamba ni naung adong i, dohonon nami ma songon nidok ni umpasa;Pinantik hujur tu jolo ni tapian; Tusi hamu mangalangka, tusi ma dapot parsaulian. Pangkat-hotang; Tu dia hamu mangalangka, tusi ma dapot pangomoan. Sahat sahat ni solu, sahat tu bontean, sahat ma leleng mangolu, sahat ma tu panggabean.”

·         Hata napasahathon Ulos Ompungna;

·         “Niumpat padang togu mangihut simbulubulu. Tu lelengna ma hamu mangolu rodi nasarsar uban di ulu, sahat tu na pairingiring pahompu. Eme na marbiur, di lambung ni hariara. Sai torop ma pomparanmu jala maribur, huhut matakkang jala manjuara. Sahat sahat ni solu, sahat tu bontean, sahat ma leleng mangolu, sahat ma tu panggabean.”

·         Hata napasahathon Ulos Herbang Lainnya;

·         “Situbu ni laklak ma situbu ni singkoru di dolok purbatua situbu ni anak ma jala situbu ni boru, donganmu saurmatua.”

·         “Bintang ma na rumiris tu ombun na sumorop, anak pe di hamu riris boru pe tung torop.”

·         “Eme si tamba tua, parlinggoman ni siborok, Debata namartua sude ma hita diparorot.”

·         “Simbora gukguk rarak diatas amak. Mamora ma hita huhut, torop ma boru dohot anak.”

·         “Sahat sahat di solu sahat ma tu bontean, sahat ma leleng mangolu. Sahat ma tu panggabean.”

·         Catatan:

·         Di tingki pasahathon ulos passamot (paranak) ingkon tangkas do pasahaton ni parboru marhite-hite hata pasu-pasu, unang holan asal diuloshon. Molo tu si jalo todoan, boi ma ulos dipasahat sahali tolu manang opat, alai hot ma dipasahat angka pasu-pasu marhite hata pangidoan tu Tuhanta (marhite angka umpasa). Songon soso-soso tu parboru, molo boi nian unang ma tapasahat ulos naung hea dipangke (nata pe baru dope) tu paranak. Alana, gabe mangurangi holong di angka na martutur, jala muse, asa marlapatan manang bermakna ulos herbang i di na manjalo. Didok natua-tua martondi do ulos Batak. I do umbahenna godang ragamna songon makna ni ulos i.

·         Nasomal taida ditingki na pasahathon ulos hela, adong bunga-bunga ni ulaon i ma na adong sipata ende, tari-tarian, angka na denggan ma i tutu. Alai namansai porlu dipasahat di tingki na pasahathon ulos i, i ma ditariashon natoras ni boru muli ma di si harapan, pesan, pangidoan nasida, jala sude suhut parboru (nahundul di jolo) mandongani natoras ni boru muli. Ala mardalan do tingki, unang ma nian marganjang-ganjang angka panghataion jala molo tung adong pe ende (lagu), ingkon na hombar ma i tu ulaon i. Dung dipasahat Ulos Passamot dohot Ulos Hela, mangihut ma muse ulos tu Pamarai, ulos tu Simanggokhon, dohot ulos tu Sihunti Ampang (suhi ni ampang na opat).

·         Dung sidung pasahat ulos, dipasahat parboru ma tu paranak ulos-ulos na tinonun sadari, songon naung pinatorang di jolo.

·          Parsinabul ni Paranak;

·         “Mauliate ma di hamu rajanami. Nunga tangkas hami sude diulosi hamu, marhite ulos herbang dohot ulos-ulos na tinonun sadari. Mauliate ma! Jala molo adong sipasahatonmuna tu anak dohot parumaennami, hupasahat hamima partingkion tu hamu.”

·          Parsinabul ni Parboru;

·         “Nauli amangboru. Suru hamu ma hela dohot borunami asa hundul tu jolo on.”

·         Pasahat ulos holong ma sian horong ni parboru tu pengantin. Jumolo ma sian hasuhuton, namarhaha-anggi (Ring-1: ima Sasohe) dungi pe asa boru/bere, dongan sahuta, punguan, dohot udutanna.

·         “Ipe dihita saluhutna Sianturi Simataniari Boru dohot Bere dapot ma tingkina tu hita pasahat ulos tu boru dohot helanta, molo tung siat pangidoan jumolo ma sian hasuhuton, dungi sahat ma tu hita namarhaha-anggi, dungi pe asa boru/bere dohot dongan sahuta, annon pinasahat ma muse partingkian tu punguan”

·         Hata napasahathon Ulos Herbang;

·         “Tubuan laklak ma, tubuan sikkoru di dolok ni Purbatua Sai tubuan anak, tubuan boru ma hamu, donganmu sarimatua.”

·         “Pir ma pongki, bahul-bahul pansalongan Sai pir ma tondimuna, jala tongtong hamu masihaholongan.”

·         “Pinantik hujur tu jolo ni tapian; Tusi hamu mangalangka, tusi ma dapot parsaulian.”

·         “Tangki jala hualang, garinggang jala garege; Tubuan anak ma hamu, partahi jala ulubalang, Tubuan boru par-mas jala pareme.”

·         “Tubu ma hariara, di tonga-tonga ni huta; Sai tubu ma anak dohot borumu, Na mora jala na martua.”

·         “Sahat sahat ni solu ma sahat tu bontean; Pasahaton nami ma ulos si ganjang rambu on. Sahat ma hamu tu parhorasan, sahat tu panggaben.”

·         Dung sidung i, digorahon tu sude hula-hula, tulang, jala didok margana:

·         ”Dihamu nahuparsangapi hami, hula-hulanami, tulang, bona tulang, tulang rorobot, hula-hula namarhaha-anggi, hula-hula anak manjae. Rajanami, Didok natua-tua; Suman tu aek natio do hamu, riong-riong di pinggan pasu, Hula-hula nabasa do hamu, na girgir mamasu-masu. Atik tung adong nalaho sipasahaton muna tu beremu, on ma tingki dohot ombasna hupasahat hami tu hamu. Rajanami, molo siat pangidoan nami laos di tingki on ma hamu na pasahat pasu-pasu dohot hata gabe tu hami parboruonmu tarlumobi ma tu bere muna, jala hamu hula-hula nami ma na gabe pargomgom. Tung pe songoni raja nami holan pangidoan nami do i, Rajai ma namasiaturan. Botima!”

·         Sahat ma partingkian tu saluhut hula-hula, tulang, bona tulang, tulang rorobot, hula-hula namarhaha-anggi, hula-hula anak manjae, songon pangidoan ni hasuhuton i, songoni ma haroro ni nasida tarsongon tangga ni balatuk sian toru tu ginjang, parjolo sahali dipasahat ma partikkian tu hula-hula naposo manang hula-hula anak manjae tarsongonon ma hatana;

·         “Di hamu parboruonnami, Marga…….. (di dok margana), mauliate ma di Tuhan, mauliate ma nang dihasadaon dohot renta ni roha muna mandongani hasuhuton ima amangboru dohot namboru nami di ulaon sadarion. Asa dohonon nami ma songon nidok ni natua-tua; Tampunak ni Sibaganding didolok ni Pangiringan, horasma hamu na marhahaanggi ala tangkas masipairing-iringan.”

·         “Di amangboru dohot namboru, gokkon sipaimaon jou-jou sialusan, ditingki sadarion ro do hami hula-hula muna songon na mangadopi gokkon naung pinasahat muna tu hami, las roha muna ditingkion, suang songoni do las ni roha nami, ala naung ojak pardongan saripeon di bere nami. Asa dohonon ma songon nidok ni natua-tua; Andor hadukka ma togu-togu lombu, Andor hatiti togu togu ni horbo. Penggeng saur matua ma hamu pairing-iring pahompu sahat tu na marnini sahat tu namarnono.“

·         “Kepada pasangan pengantin… Selamat memulai hidup berumah tangga ma tu ho bere dohot ho borungku, sungguh baik dan sungguh luar biasanya kasih Tuhan kepada kita terkhusus kepada kalian berdua saat ini, karena acara hari ini berjalan dengan lancar, Doa kami… Semoga ini menjadi awal yang baik untuk memulai hidup berumah tangga, semoga kalian berdua menjadi keluarga yang berbahagia yang dikasihi Tuhan. Asa dapot ma di hamu songon hata niumpasa: Bintang na rimiris ma, tu ombun na sumorop; Asa anak pe antong di hamu riris, boru pe antong torop. Tubuan laklak ma, tubuan sikkoru di dolok ni Purbatua; Sai tubuan anak, tubuan boru ma hamu, donganmu sarimatua. Sahat-sahat ni solu, sahat ma tu tiga ras; Sahat ma hamu leleng mangolu, sahat gabe jala horas. Parmusik nami, naeng pasahat ulos ma hami, baen damang ma jolo lagu kasihnya seperti sungai.”

·         Dung sidung sian horong ni hula-hula pasahathon angka ulos holong jala somalna hula-hula ma parpudi songon panggomgom, diujungi ma dohot hata pasu-pasu. Langsung ma nasida mulak.

·         “Jadi di hamu amangboru nami Marga…….. (di dok margana), nunga be sidung hupasahat hami parbue ni holong nami, marhite-hite ulos holong mardongan hata pasu-pasu dohot hata gabe sikkap ni tangiang nami tu Ama pardenggan basa I. Asi ma antong roha ni Tuhan dioloi tangiang pangidoanta. Amangboru… molo tung jumolo hami marhehe nauli, torushon hamu ma ulaontaon sahat tu na simpul rap dohot hula-hula mu ima anggi parhundul nami, asa napuran tano-tano rangging masiranggongan; Tung pe badanta i padao-dao, todinta i ma masigomgoman… Botima amangboru… Partingkianon hupasahat hami ma muse tu hamu.”

·         Parsinabung ni Parboru mandok tu horong ni hula-hulana;

·         “Mauliate malambok pusu hupasahat hami tu hamu Tulang nami di naung pinasahat mu parbue ni holong muna mardongan hata pasu-pasu dohot hata gabe tu hami tarlumobi ma tu bere muna. Obuk do jambulan nidandan baen samara, pasupasu mardongan tangiang sian hamu hulahula dohot tulang, mambahen marsundut-sundut soada mara. Molo tung pe hutorushon hami ulaon on sahat tu na simpul, ala jumolo raja i marhehe nauli, tangiang nami sai anggiat ma dipatiur Tuhan dalan muna sahat tu ganup bagas ta be dibagasan las ni roha. Saulak nari dohonon nami mauliate tu hamu. Asa mangerbang ma bunga-bunga ditiur ni mataniari; Selamat jalan ma dihamu hula-hula dohot tulang, selamat tinggal ma di hami. Dada Tulang dada nantulang…”

·         Ditorushon ma muse panghataion.

·         “Dihamu Raja ni Pamoruonnami, ala sian horongnami dohot sian hula-hula, nunga pasahathon angka ulos holong tu hela dohot borunami, asa hupasahat hami ma tingki on tu hamu.”

·          Parsinabul ni Paranak: “Mauliate ma di Raja i.”

·         Dipasahat ma muse tingki tu hula-hula dohot tulang ni paranak, jala didok: “Di hamu hula-hulanami, tulang, bona tulang. Molo tung adong nalaho pasahatonmuna tu beremu, hupasahat hami ma tingki on tu hamu. Jala molo suman tu rohamu Rajanami, laos di tingki on ma hamu pasahat pasu-pasu dohot hata gabe. Jadi hamu ma Rajanami namasiaturan. Botima!”

·         Sahat ma partingkian tu saluhut hula-hula, tulang, bona tulang, tulang rorobot, hula-hula namarhaha-anggi, hula-hula anak manjae, songoni ma haroro ni nasida tarsongon tangga ni balatuk sian toru tu ginjang, parjolo sahali dipasahat ma partikkian tu hula-hula naposo manang hula-hula anak manjae tarsongonon ma hatana;

·         “Di hamu parboruonnami, Marga…….. (di dok margana), mauliate ma di Tuhan, mauliate ma nang dihasadaon dohot renta ni roha muna mandongani hasuhuton ima amangboru dohot namboru nami di ulaon sadarion. Asa dohonon nami ma songon nidok ni natua-tua; Tampunak ni Sibaganding didolok ni Pangiringan, horasma hamu na marhahaanggi ala tangkas masipairing-iringan.”

·         “Di amangboru dohot namboru, gokkon sipaimaon jou-jou sialusan, ditingki sadarion ro do hami hula-hula muna songon na mangadopi gokkon naung pinasahat muna tu hami, las roha muna ditingkion, suang songoni do las ni roha nami, ala naung ojak pardongan saripeon di bere nami. Asa dohonon ma songon nidok ni natua-tua; Andor hadukka ma togu-togu lombu, Andor hatiti togu togu ni horbo. Penggeng saur matua ma hamu pairing-iring pahompu sahat tu na marnini sahat tu namarnono.“

·         “Kepada pasangan pengantin… Selamat memulai hidup berumah tangga ma tu ho bere dohot ho borungku, sungguh baik dan sungguh luar biasanya kasih Tuhan kepada kita terkhusus kepada kalian berdua saat ini, karena acara hari ini berjalan dengan lancar, Doa kami… Semoga ini menjadi awal yang baik untuk memulai hidup berumah tangga, semoga kalian berdua menjadi keluarga yang berbahagia yang dikasihi Tuhan. Asa dapot ma di hamu songon hata niumpasa: Bintang na rimiris ma, tu ombun na sumorop; Asa anak pe antong di hamu riris, boru pe antong torop. Tubuan laklak ma, tubuan sikkoru di dolok ni Purbatua; Sai tubuan anak, tubuan boru ma hamu, donganmu sarimatua. Sahat-sahat ni solu, sahat ma tu tiga ras; Sahat ma hamu leleng mangolu, sahat gabe jala horas. Parmusik nami, naeng pasahat ulos ma hami, baen damang ma jolo lagu kasihnya seperti sungai.”

·         Dung sidung sian horong ni hula-hula dohot tulang ni paranak pasahathon ulos holong, mulak ma nasida.

·         “Jadi di hamu amangboru nami Marga…….. (di dok margana), nunga be sidung hupasahat hami parbue ni holong nami, marhite-hite ulos holong mardongan hata pasu-pasu dohot hata gabe sikkap ni tangiang nami tu Ama pardenggan basa I. Asi ma antong roha ni Tuhan dioloi tangiang pangidoanta. Amangboru… molo tung jumolo hami marhehe nauli, torushon hamu ma ulaontaon sahat tu na simpul rap dohot hula-hula mu ima anggi parhundul nami, asa napuran tano-tano rangging masiranggongan; Tung pe badanta i padao-dao, todinta i ma masigomgoman… Botima amangboru… Partingkianon hupasahat hami ma muse tu hamu.”

·          Parsinabul ni Paranak:

·         Pasahathon hata mauliate tu horong ni hula-hula dohot tulang ni Paranak;

·         “Mauliate malambok pusu hupasahat hami tu hamu Tulang nami di naung pinasahat mu parbue ni holong muna mardongan hata pasu-pasu dohot hata gabe tu hami tarlumobi ma tu bere muna. Obuk do jambulan nidandan baen samara, pasupasu mardongan tangiang sian hamu hulahula dohot tulang, mambahen marsundut-sundut soada mara. Molo tung pe hutorushon hami ulaon on sahat tu na simpul, ala jumolo raja i marhehe nauli, tangiang nami sai anggiat ma dipatiur Tuhan dalan muna sahat tu ganup bagas ta be dibagasan las ni roha. Saulak nari dohonon nami mauliate tu hamu. Asa mangerbang ma bunga-bunga ditiur ni mataniari; Selamat jalan ma dihamu hula-hula dohot tulang, selamat tinggal ma di hami. Dada Tulang dada nantulang…”

·         Ditorushon ma muse panghataion, jala didok:

·         “Di hamu hula-hulanami, ala nunga sae be sian horongnami pasahat ulos holong, hupasahat hami ma muse tingkion tu hamu. Hamu ma namangatur.”

·          Parsinabul ni Parboru:

·         “Nauli Amangboru. Molo dos rohanta, antar songon on ma nian konsep ni ulaonta na mangihut:

·         Naparjolo: Marhata sigabe-gabe ma sian hami, hamuma mangampu.

·         Napaduahon: Mardalan ma olop-olop

·         Napatoluhon: Mardalan ma ulaon sadari, i ma paulak une.

·         Paopathon: Tatutup ma di bagasan ende dohot tangiang.

·          Parsinabul ni Paranak:

·         “Nunga denggan jala uli be i Rajanami.”

·         Dung sidung marhata sigabe-gabe, somalna langsung ma tu hasuhuton. Sada silompa ubi, sada silompa gadong, tung sada pe na pasahathon hata nauli, sude ma dapotan pasu-pasu.

·         Di hata sigabe-gabe dohot pangampuon i ma hata mauliate tu sude angka tutur jala pengantin mangampu sian horong ni paranak (Ssuhut paranak penganten).

·         Sidung mangampu paranak, dipasahat ma muse tingki tu parboru asa ditutup ulaon i dohot tangiang andorang so ditutup dohot tangiang, mardalan ma olop-olop (paranak dohot parboru pasahat hepeng tu raja parhata na be), jala dung dibagi dua, raja harhata ni parboru pasahathon bagian ni paranak. Dung diolophon 3 (tolu) hali, diparis ma olop olop i tu na torop.

·          Parsinabul ni Parboru:

·         “Amangboru, saonari sahatma hita di napadalanhon olop-olop.”

·         Dilehon paranak ma tu parboru berupa hepeng recehan, digabung dohot sian parboru, jala dilehon ma muse tu paranak.

·         “Di hamu amangboru, dohot di hita saluhutna na masihaholongan, ala nunga uli jala renta mardalan ulaonta, di bagasan dame dohot holong namasihaholongan jala dibagasan ni masipaolooloan, asa marolop-olop roha dohot tondinta mandok mauliate tu Tuhanta Pardenggan Basa i. Asa songon hata ni umpasama dohonon: Silanlan aek uruk, silanlan aek toba; Nametmet ndang marungut-ungut, namagodang marlas ni roha. Binanga ni Sihombing binongkak ni tarabunga; Tu sanggar ma amporik, tu lubang ma satua; Sinur ma pinahan, gabe nataula. Asa hariarama bonana, hariara nang bulungna; Gabe jala horas hula-hulana, songoni nang boruna. Sahat solu sahat tu bantean. Nunga denggan marujung ulaonta. Sahat ma hita saluhut tu parhorasan Sahat tu panggabean. Taolophon ma tolu hali.”

·         Didok natorop i ma;

·         “olop-olop” (tolu hali).

·         Laos pintor disuru ma sahalak sian pamoruon laho mambagi hepeng olop-olop i tu natorop natinggal di inganan i. Songoni ma sahat na.