MARHATA SINAMOT

Keterangan Video : Marhata Sinamot Pesta Unjuk

Marhata Sinamot
Marhata Sinamot, songon naung pinatorang, on ma songon puncak ni ulaon adat-paradaton pamuli boru manang pangolihon anak, di ulaon alap jual manang taruhon jual. Molo tung pe dipatupa ulaon marhata sinamot andorang so pamasu-masuon, manang songon nasomal laos di ari ni unjuk (pesta), ianggo taringot tu rumang dohot ruhut ni panghataion hira dos do i. Sai jolo marsipanganon do biasana, dung i marbagi jambar asa ditorushon tu na marhata sinamot.
Dung sidung mangan angka tutur, dipungka ma ulaon adat-paradaton. Jala tangkas taboto andorang so marsipanganon hian, nunga dipasahat paranak tu parboru tudu-tudu ni sipanganon namarsaudara, boi do i namarmiak-miak manang lombu sitio. Suang songon i parboru, nunga pasahathon dekke tu pihak paranak. Alai porlu pinatorang di son saotik taringot tu ulaon marhata sinamot na dipatupa jala dipasada dohot ulaon pesta unjuk, khususna ma i taringot di ulaon di alaman manang di gedung pertemuan:

1.       Molo ulaon di alap jual (ulaon di alaman ni parboru), parboru dohot kedua pengantin, suang songon i dohot paranak rap masuk ma tu gedung pertemuan jala masing-masing hasuhuton hundul ma di inganan naung ditontuhon.
Pihak parboru ma naparjolo manggorahon angka horong ni hula-hulana, asa masuk nasida tu gedung jala tangkas do i dijalo di ruhut paradaton.

2.      Molo ulaon taruhon jual do (ulaon di paranak) rap masuk do suhut paranak dohot parboru suang songon i dohot pengantin tu gedung, alai mulak do muse pihak hasuhuton ni parboru mandapothon angka dongan tubuna. Jadi holan napataruhon boru muli do nasida tu inganan ni paranak. Jadi, ingkon tangkas do muse gorahonon jala jaloon ni suhut paranak pihak parboru (hula-hulana), suang songon i di ruhut adat-paradaton (parboru mamboan boras sipir ni tondi dohot dekke). Alai sebagian sian boras i dipapulik do deba asa adong pangkeonna di ulaon paulak une.

G. Ulaon Adat Na Gok (Ulaon Unjuk)
Acara Pesta Unjuk dan Ulaon Adat Marhata Somba ni Uhum Somba ni Adat Marhite-hote Sinamot adalah Puncak acara ulaon adat paradaton Pamuli Boru atau Pangolihon Anak dalam bentuk Ulaon Alap Jual atau Taruhon Jual. Marhata Somba ni Uhum Somba ni Adat Marhite-hite Sinamot, songon naung pinatorang, on ma songon puncak ni ulaon adat-paradaton pamuli boru manang pangolihon anak, di ulaon alap jual manang taruhon jual. Molo tung pe dipatupa ulaon marhata sinamot andorang so pamasu-masuon, manang songon nasomal laos di ari ni unjuk (pesta), ianggo taringot tu rumang dohot ruhut ni panghataion hira dos do i. Sai jolo marsipanganon do biasana, dung i marbagi jambar asa ditorushon tu na marhata sinamot. Dung sidung mangan angka tutur, dipungka ma ulaon adat-paradaton. Jala tangkas taboto andorang so marsipanganon hian, nunga dipasahat paranak tu parboru tudu-tudu ni sipanganon namarsaudara, boi do i namarmiak-miak manang lombu sitio. Suang songon i parboru, nunga pasahathon dekke tu pihak paranak. Alai porlu pinatorang di son saotik taringot tu ulaon marhata Somba ni Uhum Somba ni Adat Marhite-hite Sinamot na dipatupa jala dipasada dohot ulaon pesta unjuk, khususna ma i taringot di ulaon di alaman manang di gedung pertemuan.

Na porlu sibotoon dohot siingoton di ulaon adat paradaton i ma;

1.       Molo ulaon di alap jual (ulaon di alaman ni parboru), parboru dohot kedua pengantin, suang songon i dohot paranak rap masuk ma tu gedung pertemuan jala masing-masing hasuhuton hundul ma di inganan naung ditontuhon. Pihak parboru ma naparjolo manggorahon angka horong ni hula-hulana, asa masuk nasida tu gedung jala tangkas do i dijalo di ruhut paradaton.

2.      Molo ulaon taruhon jual do (ulaon di paranak) rap masuk do suhut paranak dohot parboru suang songon i dohot pengantin tu gedung, alai mulak do muse pihak hasuhuton ni parboru mandapothon angka dongan tubuna. Jadi holan napataruhon boru muli do nasida tu inganan ni paranak. Jadi, ingkon tangkas do muse gorahonon jala jaloon ni suhut paranak pihak parboru (hula-hulana), suang songon i di ruhut adat-paradaton (parboru mamboan boras sipir ni tondi dohot dekke). Alai sebagian sian boras i dipapulik do deba asa adong pangkeonna di ulaon paulak une (maningkir tangga).

  

Lanjut Baca »

MARSIBUHA BUHAI

·       

Keterangan Video : MARSIBUHA-BUHAI | Prosesi Pernikahan Suku Batak

Pagi hari sebelum dimulai catatan sipil/pemberkatan/pesta adat, diadakan acara penjemputan mempelai wanita di rumah pihak parboru atau disebut marsibuha-buhai, dimulai dengan sarapan pagi bersama, berdoa untuk kelancaran pesta pernikahan, biasanya disini ada tukar bunga oleh mempelai pria dan mempelai wanita dilanjutkan dengan penyerahan tudu-tudu ni sipanganon namarsaudara oleh pihak paranak dan dilanjutkan dengan penyerahan dengke dari pihak parboru setelah itu kemudian makan bersama dan selanjutmya dari situ lalu berangkat menuju gereja untuk pemberkatan.

·         Setelah tiba dan setelah tukar bunga, kemudian pihak paranak masuk dan menyalami pihak parboru yang ada didalam rumah, biasanya ada seorang dari hasuhuton yang menjadi pembicara dan menyapa;

·         “Horas ma dihamu tulang nami, molo nunga mangarade hamu naeng ro ma hami mandapothon raja i.”

·         Lalu salah seorang dari pihak parboru menjawab;

·         “Nunga mangarade be hami amangboru, ro ma hamu.”

·         Kemudian pihak parboru secara bersama-sama menyampaikan tudu-tudu ni sipanganon namarsaudara dan berkata;

·         “Songoni ma dihamu hula-hula nami, songon namamuhai ulaonta sadarion, ro do hami parboruon muna pasahatton tudu-tudu ni sipanganon namarsaudara, tudu tudu ni parhorasan panggabean maon raja nami, molo tung songonon pe naboi tarpatupa hami, las ma roha muna. Asa songon nidok ni natua-tua ma dohonon; Tintin natinopa, golang do ia pangarahutna, tung songonon pe natarpatupa, sai godangma pinasuna.”

·         Dialusi natorop; emmatutu… Dungi diuduti pihak parboruma napasahatton dekke, songonon ma didok pasahatton;

·         “Suang songoni ma dihamu amangboru nami, dos do nakkokna dos nang tuat na, nakkin nunga dipasahat hamu tudu-tudu ni sipanganon namarsaudara, hami pe antong adong do sipasahaton nami mangarade ma hamu, dihamu amangboru nami, dison hupasahat hami do dekke simudur-udur, asi ma rohani Tuhan sai udur ma hamu tu dolok tu toruan, udur nang angka parsaulian songoni nang angka pansamotan, jala didok dekke sitio-tio, asa anggiat ma tio parnidaan muna, tio dohot mual inumonmuna, Ia tu dolok hamu dapotan jampalan nalomak, tu toruan hamu dapotan mual na tio, dekke sahat, asa sahat ma tutu angka nauli nadenggan jaloon muna, sahat ma panggabean sahat nang parhorasan tu hamu saluhutna amangboru nami ditumpak Amanta Debata, asa sahat sahat ni solu sahatma tu bontean, hupasahat hami ma dekke namokmok on tu hamu amangboru nami, sahat ma panggabean, sahat tu parhorasan. Botima.”

·         Jadi didok parboru ma;

·         “Ala hamu do napatupahon amangboru, hamu ma namamilang tangiang mangan.”

·         Dialusi paranak;

·         “Nauli tulang.”

·         Martangiang dungi makan bersama. Dung sidung martangiang laos namamilang tangiang i do pasahatton hata ;

·         “Si titi sigompa golang-golang pangarahutna, otik sosadia na tupa godang pinasuna.”

·         Didok suhut parboru tu dongan tubuna;

·         “Songoni ma dihita saluhutna, molo tung diadopan nami pe tudu-tudu ni sipanganon on, naung rap manjalo ma hita disi ateh, boru nami, seati hamu aling nai, jala ris bagi hamu.”

·         Didok suhut paranak tu dongan tubuna;

·         “Suang songoni ma nang dihita saluhutna, molo tung diadopan nami pe dekke naung pinasahat ni hula-hulanta, naung rap manjalo ma hita ateh, boru nami, ris bagi hamu.”

·         Dung sidung marsipanganon disukkun parboru tu paranak;

·         “Boha amangboru… asa tauduti nian ulaonta?“

·         Dungi dialusi paranak ma;

·         “Nauli Tulang.”

·         Dungi diuduti parboru ma hatana;

·         ‘Jadi bakkona mai amangboru, sai jolo ninangnang do asa ni nungnung, sai jolo pinangan, ipe asa sinukkun, nakkin dipasahat hamu tudu-tudu ni sipanganon tu hami, namarpanukkun ma hami amangboru dia ma sintuhu ni sipanganon naung pinasahat muna on? takkas ma paboa hamu.”

·         Dungi dialusi paranak ma;

·         “Mauliate ma tulang disukkun-sukkun munai, molo tarsingot tu tudu-tudu nisipanganon naung hupasahat hami i, surung-surung ma i di raja i. Mauliate.”

·         Dialusi parboru;

·         “Mauliate ma tutu, surung-surung nami do hape, antong tu hamu boru nami, simpan hamu ma jolo tu pudi.”

·         Dungi diuduti ma muse tu tangiang panutup jala tangiang borhat tu Gereja disukkun parboru tu paranak;

·         “Boha amangboru ise ma hita namamilang tangiang?”

·         Jala dialusi paranak;

·         “Molo tung siat pangidoan nami, asa Rajai ma namamilang tangiang dinalaho borhat hita tu Gareja.”

·         Dungi dioloi parboru jala laos martangiang.

Acara selanjutnya manjalo Pasu-pasu Parbagason (Pemberkatan Pernikahan).

Pengesahan pernikahan adat kedua mempelai menurut tatacara gereja (pemberkatan pernikahan oleh pejabat gereja). Setelah pemberkatan pernikahan selesai maka kedua mempelai sudah sah sebagai suami-istri menurut gereja.

Lanjut Baca »

PROSESI MASUK PENGANTEN

Keterangan Video : Prosesi masuk gedung Pesta Adat

Ala dialaman ni paranak do ulaon, laos pihak paranak do najumolo manggorahon jala manjalo horong ni hula-hulana masuk tu gedung. Dung simpul namanjalo haroro ni undangan nang saluhut hula-hula ni paranak, ipe asa dilehon paranak tingki tu parboru laho manjalo hula-hulana.

MANJALO PARBORU MASUK TU INGANAN, MANJALO HULA-HULA NI PARANAK

Note: Protokol ni paranak manjouhon asa masuk ma suhut paranak, namarhahamaranggi, namardongantubu boru dohot bere, suang songoni dongan sahuta, ale-ale, nang dohot undangan nasian huria dipangido asa hundul ma di inganan naung pinatupa ni hasuhuton bolon. Songonon ma didok Protokol ni paranak manjouhon];

Protokol ni Paranak ; “Songonima dihita hasuhuton, namarhahamaranggi, namardongantubu boru dohot bere, suang songoni dongan sahuta, ale-ale, nang dohot undangan nami nasian huria, ala nunga dapot partikkian dinalaho manjalo haroro ni hula-hula nama hita, asa masuk ma hita saluhutna jala hundul di inganan naung huparade hami… masuk ma hamu raja nami.”
[Note: Dung sidung i, dijou protokol ni paranak ma asa masuk hula-hula ima parboru. Alai jumolo ma digorahon tu Hasuhoton bolon asa mangarade laho manomu-nomu, jala digorahon boru dohot bere asa mangarade manjalo dekke, tandok namarisi parbue si pir ni tondi na binoan ni parboru i. Songonon ma didok Protokol ni paranak manjouhon];

Protokol ni Paranak ; “Songonima dihita hasuhuton, tarlumobi ma dihamu suhut bolon nami asa mangarade hita manomu-nomu haroro ni hula-hula. Laos songoni ma dihamu boru bere nami, asa mangarade hamu laho manghehei nabinoan ni akka nantulang ta (tandok dohot dekke). Laos asa patudu hamu hundulan tu nasida. Dihamu boru nami na diharbangan, ida hamu jolo, nunga mangarade be hula-hulanta, molo nunga mangarade asa bahen hamu boa-boa.”
[Note: Dung mangarade nasida, songonon ma didok Protokol ni paranak];

Protokol ni Paranak ; “Dihamu hula-hula nami marga (…………………….), nunga mangarade hami manjalo haroro muna, masuk ma hamu raja nami tu inganan naung huparade hami.”
[Note: Laos dipangido protokol ni paranak i ma musik manomu-nomu sude uduran ni hula-hula i huhut laos digorahon Protokol i ma asa jongjong sude horong ni paranak. Songonon ma didok];

Protokol ni Paranak ; “Parmusik nami, ala naeng manomu-nomu hula-hula ma hami, asa bahen damang ma jolo musik panomunomuon i, borhat ma hita hasuhuton ta tomu-tomu hula-hulanta. Dihita saluhutna namarhaha maranggi asa jongjong ma hita.”
[Note: Masuk ma nasida, di barisan parjolo ma natoras ni boru muli, dohot na mamboan dengke, mangihut ma muse na mamboan tandok bolon. Na mamboan tandok bolon (min. 3 tandok bolon), i ma paniaran sian apala suhut dohot namarhahamaranggi manang parumaen ni pihak parboru. Songonon ma didok Protokol ni paranak];

Protokol ni Paranak ; “Horas ma dihamu saluhutna hula-hula nami, masuk ma hamu raja nami.”
[Note: Mangihut ma muse haha‑anggi dohot sisolhot ni nasida, ama di sabola siamun, ina di sabola hambirang huhut manghunti tandok. Sude nasida manghadang ulos di abara siamun. Masuk ma nasida rnarudur dohot renta. Na mamboan dengke di pudi ni na namboan tandok bolon].

Protokol ni Paranak ; “Horas ma dihamu saluhutna hula-hula nami, boru nami jalo hamu na binoan ni hula-hulanta, jala laos patudu hamu inganan manang hundulan tu nasida.”
[Note: Dung sidung manjalo hula-hula ima parboru, dung i mangido partikkian ma protokol ni paranak tu protokol ni parboru, nanaeng manjalo haroro ni hula-hula dohot tulang. songonon ma didok];

Protokol ni Paranak ; “Horas ma dihamu saluhutna hula-hula nami, hundul ma raja I di inganan naung hupatupa hami. Songoni ma tulang… hupakke hami ma jolo partikkian dinamanjalo haroro ni hula-hula dohot tulang hami.”

[Note: Protokol ni paranak manjouhon asa mangarade suhut paranak manomu-nomu hula-hula dohot tulang, dungi digorahon boruna asa mangarade manjalo dekke, tandok namarisi parbue si pir ni tondi na binoan ni hula-hula dohot tulang i. Dung i, disuru Protokol ni paranak boruna laho paresohon tu harbangan / pintu utama diharadeon ni hula-hula dohot tulang, dijolo ma, hula-hula, dungi tulang, tulang rorobot, bona tulang, hula-hula namarhaha maranggi, dungi tu hula-hula naposo (anak manjae). Songonon ma didok Protokol ni paranak manjouhon];

Protokol ni Paranak ; “Songonima dihita hasuhuton, tarlumobi ma dihamu suhut bolon nami asa mangarade hita manomu-nomu haroro ni hula-hula dohot tulang. Laos songoni ma dihamu boru bere nami, asa mangarade hamu laho manghehei tandok nabinoan ni akka nantulang ta (tandok dohot dekke). Laos asa patudu hamu hundulan tu nasida. Dihamu boru nami na diharbangan, ida hamu jolo, nunga mangarade be nasida hula-hula dohot tulang, molo nunga mangarade asa bahen hamu boa-boa.”
[Note: Molo dung mangarade nasida, songonon ma didok Protokol ni paranak];

Protokol ni Paranak ; “Dihamu hula-hula nami marga (…………………….) tulang nami marga (…………………….) d.u, nunga mangarade hami manjalo haroro muna, masuk ma hamu raja nami tu tu alaman naung huparade hami.”
[Note: Laos dipangido protokol ni paranak i ma musik manomu-nomu sude uduran ni hula-hula i huhut laos digorahon Protokol i ma asa jongjong sude horong ni paranak. Songonon ma didok];

Protokol ni Paranak ; “Parmusik nami, ala naeng manomu-nomu hula-hula dohot tulang ma hami, asa bahen damang ma jolo musik panomunomuon i, borhat ma hita hasuhuton ta tomu-tomu saluhut hula-hula dohot tulangta, Dihita saluhutna namarhaha maranggi asa jongjong ma hita.”
[Note: Disuruh ma parhobas patuduhon hundulan ni nasida, sesuai tu goar naung rade tarsurat di meja. somal do dibahen protokol huhuasi jala ditakkasi protokol atik adong dope naso digora].

Protokol ni Paranak ; “Horas ma dihamu saluhutna hula-hula dohot tulang nami, boru nami jalo hamu na binoan ni hula-hula dohot tulangta, jala laos patudu hamu inganan manang hundulan tu nasida. Horas ma dihamu saluhutna hula-hula dohot tulang nami, hundul ma raja I di inganan naung hupatupa hami. Atik tung adong dope hamu hula-hula dohot tulang naso hujou hami, rade dope hami manomu-nomu, alai molo dung singkop, mauliatema.”
[Note: Jadi dung sidung i, dipasahat Protokol ni paranak ma partingkian tu Protokol ni parboru, songonon ma didok];

Protokol ni Paranak ; “Songoni ma tulang… hupasahat hami ma partikkian on tu hamu.” [Note: Dijalo Protokol ni parboru].

MANJALO HULA-HULA NI PARBORU

[Note: Protokol ni parboru manjouhon asa mangarade suhut parboru manomu-nomu hula-hula dohot tulang ni parboru, dungi digorahon boruna asa mangarade manjalo dekke, tandok namarisi parbue si pir ni tondi na binoan ni hula-hula dohot tulang ni parborui. Dung i, disuru Protokol ni paranak boruna laho paresohon tu harbangan / pintu utama diharadeon ni hula-hula dohot tulang, dijolo ma, hula-hula, dungi tulang, tulang rorobot, bona tulang, hula-hula namarhaha maranggi, dungi tu hula-hula naposo (anak manjae). Songonon ma didok Protokol ni parboru manjouhon];

Protokol ni Parboru ; “Songonima dihita hasuhuton, tarlumobi ma dihamu suhut bolon nami asa mangarade hita manomu-nomu haroro ni hula-hula dohot tulang. Laos songoni ma dihamu boru bere nami (biasana boru bere ni paranak do na ro alana biasana parbue pir nabinoan ni hula hula dohot tulang ni parboru i dipasahat tu paranak do kecuali 1 tandok nabinoan ni apala hula-hula), asa mangarade hamu laho manghehei nabinoan ni akka nantulang muna (tandok dohot dekke). Laos asa patudu hamu hundulan tu nasida. Dihamu boru nami na diharbangan, ida hamu jolo, nunga mangarade be nasida hula-hula dohot tulang, molo nunga mangarade asa bahen hamu boa-boa.”
[Note: Molo dung mangarade nasida, songonon ma didok Protokol ni parboru];

Protokol ni Parboru ; “Dihamu hula-hula nami marga (…………………….) tulang nami marga (…………………….) d.u, nunga mangarade be hami manjalo haroro muna, masuk ma hamu raja nami tu tu inganan naung diparade parboruonta.”
[Note: Laos dipangido Protokol ni parboru i ma musik manomu-nomu sude uduran ni hula-hula i huhut laos digorahon Protokol i ma asa jongjong sude horong ni parboru. Songonon ma didok];

Protokol ni Parboru ; “Parmusik nami, ala naeng manomu-nomu hula-hula dohot tulang ma hami, asa bahen damang ma jolo musik panomunomuon i, borhat ma hita hasuhuton ta tomu-tomu saluhut hula-hula dohot tulangta, dihita parboru, asa jongjong ma hita.”
[Note: Disuruh ma parhobas patuduhon hundulan ni nasida, sesuai tu goar naung rade tarsurat di meja].

Protokol ni Parboru ; “Horas ma dihamu saluhutna hula-hula dohot tulang nami, boru nami jalo hamu na binoan ni hula-hula dohot tulangta, jala laos patudu hamu inganan manang hundulan tu nasida. Horas ma dihamu saluhutna hula-hula dohot tulang nami, hundul ma raja I di inganan naung hupatupa hami.”
[Note: Protokol ni parboru manjouhon asa masuk ma saluhut undangan ni parboru, undangan sian huria nang dohot ale-ale jala hundul ma di tempat naung tersedia, somal do dibahen protokol huhuasi jala ditakkasi protokol atik adong dope naso digora].

Protokol ni Parboru ; “Atik tung adong dope hamu hula-hula dohot tulang naso hujou hami, rade dope hami manomu-nomu, alai molo dung singkop, mauliatema.“ Jadi dung sidung i, dipasahat Protokol ni parboru i ma muse partingkian tu Protokol ni paranak.

Acara selanjutnya makan bersama yang diawali pasahat tudu tudu ni sipanganon namarsaudara kepada pihak parboru dan pasahat dekke kepada pihak paranak…

 

Lanjut Baca »

PENYERAHAN TUDU-TUDU NI SIPANGANON

·      

Keterangan Video : Pasahat Tudu Tudu Sipanganon Di Pesta Unjuk

   Dung sikkop di namanjalo haroro ni hula-hula, diuduti ma muse ulaon i tu ulaon marsipanganon mula na marhite-hite napasahatton tudu-tudu ni sipanganon jumolo sian Paranak;
·          Protokol ni Paranak: “Songoni ma dihita saluhutna namarhaha maranggi, lumobi ma dihamu suhut bolon naami, tuson ma hita napasahatton tudu-tudu ni sipanganon tu hula-hulanta. Boru nami asa boan hamu ma tuson tudu-tudu ni sipanganon sipasahatonta. Laos songoni ma dihamu saluhutna hula-hula nami, ala naeng ro ma hami napasahatton tudu-tudu ni sipanganon namarsaudara, mangarade ma raja i.”
·         Dungi dialusi protokol ni parboru ma mandok;
·         “Songoni ma dihita saluhutna, tarlumobi ma suhut bolon nami, ala nunga ro jou-jou sian amangborunta, asa mangarade ma hita. Nunga be mangarade hami amangboru!”
·         Hatani Napasahat Tudu-tudu Ni Sipaganon i, Hira Songononma;
·          Protokol ni Paranak:
·         “Di hamu hula-hula nami raja i (didok margana), parjolo ma tapasahat mauliate tu Amanta Debata Pardenggan Basa I, disiala asi dohot holong ni rohaNa, naung mangiring-iring hita jala mangaramoti hita sahat tu tingkion, boi hita pajumpang bohi na marhula-hula marboru dibagasan hahipason dohot las ni roha.“
·          Diuduti ma hatana mandok;
·         “Raja nami, diharoro nami ditingkion, ima songon naung taboto, di naung rap hita paborhathon jala mangudurhon anak dohot boru ni huria i, tu bagas joro ni Tuhannta, laho manjalo pasu-pasu parbogason marhite-hite naposoNa, ima anak nami naung gabe hela muna dohot boru muna nagabe parumaen nami. Asa dilas niroha nami ditingkion, di naung saut nasida manjalo pasu-pasu pardongan saripeon, ima anak dohot parumaen nami, di ari na uli di bulan na denggan ditaon parasianon, disangkap roha nami, asa laos ditingkion ma nian udutan nami pasahaton somba ni adat (adat nagok) tu hamu hula-hula nami, asa dohot nang hamu hula-hula nami mamasu-masu anak dohot parumaen nami. Rap mangido hita di tangiangta anggiat tibu nasida togu marurat tu toru, tongam mardangka tu lambung, jala jagar marbulung tu ginjang.”
·          Diuduti ma hatana mandok;
·         “Dison ro do hami pamoruon muna mandapothon hamu, pasahat tudu-tudu ni sipanganon na marsaudara, tudu-tudu ni panggabean parhorasan maon raja nami. Asa songon hata ni si tua-tua ma dohonon; Bagot na marhalto ma natubu di robean; Horas ma hamu na manjalo, horas di hami namangalean. Botima!”
·         Diolophon angka natorop.
·         Hata Pasahat Dekke, Songononma Didok Parboru:
·          Protokol ni Parboru:
·         “Di hamu raja ni pamoruonnami, asa dos tuatna, dos nang nangkokna, mangarade ma hamu amangboru, asa ro hami pasahatton sipasahaton nami! Dison hupasahat hami tu hamu dekke simudur-udur, dekke sitio-tio, dekke sahat. Didok dekke simudur-udur, asa sai mudur-udur ma hamu tu dolok tu toruan, asa anggiat mangudurhon hagabeon, mangudurhon parhorason ulaonta di tingkion, udur nang angka parsaulian songoni nang angka pansamotan. Didok deke sitio, asa anggiat ma tio parnidaan muna, tio angka pancarian, tio angka ngolu-ngolu dohot mual inumonmuna. Sahat ma tutu angka nauli nadenggan jaloon muna pamoruon nami, ditumpak Amanta Namartua Debata. Ia tu dolok hamu dapotan jampalan nalomak, tu toruan hamu dapotan mual na tio. Asa didolok ma parbubuan, di toruan ma partanggalan, sai dapot ma dihamu naniluluan, songoni na jinalahan. Lomak ma silinjuang, lomak sobinaboan, asa tudia pe hamu mangalangka disi ma hamu dapotan pangomoan. Didok dekke sahat, asa dohonon ma songon nidok ni natua-tua; sahat-sahat ni solu sahatma tu bontean, sahat ma tutu ulaontaon, mardalan dohot denggan, lelengma hita mangolu, sahat hita tu panggabean, sahat ma tu parhorasan. Botima.“
·         Diolophon natorop.
·         Tangiang mangan (doa makan) biasanya dari Paranak:
·          Protokol ni Parboru: “Ala hamu do napatupa sipanganon, ba hamuma raja ni boru mambahen tangiang!”
·          Protokol ni Paranak: ”Nauli Rajanami”
·         Sahalak sian paranakma mambaen tangiang sipanganon. Dung martangiang mangan i, didok ma tarhira songonon:
·         ”Tintin ma natinopa, golang-golang do pangarahutna; Tung Songoni pe natarpatupa, sai godang ma pinasuna. Marjomut ma hita!”
·         Tingki marsipanganon, borhat do suhut parboru dohot paranak mandapothon angka tuturna songon patamahon, pasangaphon nasida di tingki namangan dope. Alai laos di namangan i, mardalan do sulang-sulang sian pihak paranak tu horong ni parboru.
·         Jala tangkas do i digorahon paranak melalui protokol nasida.
·          Protokol ni Paranak: “Di hamu saluhutna hula-hulanami, naeng ro ma hami pasahathon sulang-sulang natabo. Asa manumpak ma sahalamu dihami pamoruonmuna jala namasu-masu ma Tuhanta di hita saluhutna. Lasma rohamu rajanami. Botima.”
·         Laos borhat ma pihak paranak pasahathon sulang-sulang tu parboru.
·         Hira di tingki nasatongkin i, dipasangap protokol parboru dohot paranak ma angka tutur sian pihak nasida ganup taringot tu tudu-tudu ni sipanganon dohot dekke naung nijalo nasida (sian pamoruan/hula-hula) jala didok protokol parboru dohot paranak ma hira songonon:
·          Protokol ni Parboru: ”Dihita namardongan tubu suang songoni boru dohot bere, molo tung dijoloni hasuhuton pe tudu-tudu sipanganon naung pinasahat ni paromoruanta dohot dekke naung tajalo sian horong ni hulahula dohot tulangta naung rap manjalo do hita di si jala tahalashon ma i.”
·          Protokol ni Paranak: ”Dihita na marodongan tubu suang songoni boru dohot bere, molo tung di jolo ni hasuhuton pe dekke naung i pasahat hula-hula ta dohot tulangta naung rap manjalo do hita di si jala tahalashon ma i.”
·         Ala adong di jalo paranak dohot parboru dekke siuk sian horong hula-hula dohot tulang, denggan ma nian asa digorahon dekke siuk na ni pasahat ni horong hula-hula tu nasida. Hira songon ma hatana.
·          Protokol ni Parboru: ”Hujalo hami do dekke siuk sian nahuparsangapi hami, hula-hula dohot tulang nami ….”
·         Didok margana jala digorahon sada-sada.
·         “Molo tung adong dope naso hugorahan hami, rade dope hami manggorahonsa, alai molo nunga singkopbe, dohonon nami ma mauliate godang ma hupasahat hami tu hamu hula-hula dohot tulang nami.”
·          Protokol ni Paranak: ”Hujalo hami do dekke siuk sian hula-hula dohot tulang nami nahuparsangapi hami…”
·         Didok margana jala digorahon sada-sada.
·         “Molo tung adong dope naso hugorahan hami, rade dope hami manggorahonsa, alai molo nunga singkopbe, dohonon nami ma mauliate godang ma hupasahat hami tu hamu hula-hula dohot tulang nami.”
·          Protokol ni Parboru: “Dihamu borunami, asa seseati hamu jolo ate-ate dohot aliang-aliang on jala bagihon hamu tu angka tuturta.”
·         Dibagihon angka borunasida i ma juhut nasineatan i tu angka tutur.
·         Hasuhuton paranak mambagi (pasahathon) dekke najinalo nasida sian angka horong ni hula-hula dohot tulang tu angka dongan tubuna songon i tu boru/bere dohot dongan sahuta. Tu tulang dipasahat alai didokmai dekke lompan.
·          Protokol ni Paranak: “Di hamu Borunami, asa i bagihon hamu dekke na i pasahat ti hita tu angka tutur ta.”
·         Dibagihon angka boru nasida i ma dekke i tu angka tutur.

Lanjut Baca »