» NANIAMBANGON : NARO TU ALAMAN NI SUHUT
SUHUT NANIAMBANGAN : Suhut naro. HULA HULA NANIAMBANGAN : hula hula naro.
» SITIOP BATAHI & TOGU TOGU HORBO : Molo adong boru muli, dang adong dope ibotona namarhasohotan dileanma penghargaan tu ibotona i. Molo dilangkai si boru mulion ibotonai didokma sileanon nai TOGU TOGU HORBO. Molo dang mangalangkai didokma sileanon nai SITIOP BATAHI.
» SITOMBOL & RAMBU PINUDUN : Sian rumang ni sinamot ido tarboto ulaoni dialaman ni paranak manang parboru. SINAMOT SITOMBOL (ALAP JUAL): Ulaon di alamanni parboru. Molo najolo didok sinamot sitombol disima sude holi2 ni sinamoti, suhi niampang naopat, todoan, panandaion asing ni olop-olop dohot panjuhutina napinarade ni paranak. SINAMOT RAMBU PINUDUN ( TARUHON JUAL ) : Ulaon dialamanni paranak. Dipasahat paranak sinamot nunga i sude. Parboru ro holan mamboan dengkena dohot ulosna.
Molo nuaeng on ingkon dipatangkas do SINAMOT SITOMBOL >> TODOAN & PANANDAION TANGKAS DO DIPASAHAT
» PANGANTUSION TU HULA-HULA :
# Hula-hula Anak Manjae >>> Hula-hulani Anak Niba
# Hula-hula Parsiat >>> Hula-hula Anak Manjae Ni Anak Niba
# Hula-hula Simanjungkot >>> Hula-hula ni pahompu
# Tulang Mangihut >>> Tulang ni nanialap niba
# Tulang Rorobot >>> Tulang ni omak niba
# Note : Diluat Nadeba Tulang rorobot >>> Tulang ni omak niba
# Parsuhian : kewajiban ni paranak pasahat kewajiban ni parboru (Jabodetabek dang adong on)
# NOTE : Di deba luat sipata do beda panjouon ni hula2 dohot tulang.
0 comments:
Posting Komentar